23 сакавіка ў мюнхенскім Volkstheater адбудзецца прэм’ера спектакля «Revolution» паводле аднайменнага рамана Віктара Марціновіча. Паказы адбудуцца таксама 24, 26 і 29 сакавіка — і пасля ў красавіку: 19-га і 21-га.
Дата: 23, 24, 26, 28 сакавіка; 19 і 21 красавіка
Час: 20.00 (час мясцовы)
Месца: Münchner Volkstheater, Tumblingerstraße 29, Мюнхен
Дзікая пагоня па вуліцах Масквы скончылася страшнай аварыяй. Міхаіл не разумее, што адбываецца, калі немаведама чаго яго вінавацяць у аўтакатастрофе. Калі на працягу пяці дзён ён не паспее аплаціць буйны пазоў аб кампенсацыі шкоды, яго чакае турма. З дапамогай нечаканага ахвяравання ён у апошнюю секунду выцягвае галаву з пятлі. Аднак яго шчодрыя новыя сябры аказваюцца магутным таемным таварыствам.
Рэжысёр — Філіп Арнольд.
Спектакль ідзе на нямецкай мове.
Квіткі коштам 28 еўра можна набыць па спасылцы.
