“Спеўны сход” запрашае спяваць песні Купалля
28.06.2016
18:30 - 18:30
дворык Дома-музея Ваньковічаў (вул.Інтэрнацыянальная, 33а)
Уваход вольны
28 чэрвеня на пляцоўцы каля музея Ваньковічаў усе жадаючыя змогуць паспяваць купальскія песні.
Купалле – старажытнае і любімае беларусамі свята. Купальская ноч поўніцца цудамі – уся прырода ажывае. Апоўначы зацвітае Парапаць-кветка. І той, хто яе адшукае, зможа авалодаць усімі зямнымі скарбамі. Але чароўная кветка адкрываецца не кожнаму, а толькі тым, хто пяяе купальскія песні.
Мы заспяваем іх на “Купальскім “Спеўны сходзе”, і кожны зможа далучыцца да нас сваім голасам і сэрцам, адчуць купальскую магію ў агульным карагодзе. І калі вы лічыце, што ў вас няма голасу і слыху, пасля купальскіх спеваў ваша меркаванне зменіцца.
Спецыяльныя госці “Купальскага “Спеўнага схода” – Юлія Літвінава і фолк-гурт Miareża. Сваім майстар-класам яны дапамогуць вам настроіць голас на мелодыю купальскай песні. Сяргей Доўгушаў дасць майстар-клас на песнях, якія ён знайшоў на Палессі.
Запрашаем на “Купальскі “Спеўны сход” 28 чэрвеня а 18.30 у дворык Дома-музея Ваньковічаў (вул.Інтэрнацыянальная, 33а).
Падзея ў сацсетках: Facebook і Вконтакце.
Уваход вольны!
“Спеўны сход” увесну 2014 года распачалі Аляксей Чубат і Сяргей Доўгушаў. На “Спеўным сходзе” можа спяваць кожны чалавек. Праект дапамагае захоўваць нематэрыяльную культурную спадчыну Беларусі.
