Сустрэча з аўтарамі фільма пра Надзю Хадасевіч-Лежэ
Пачатак: 22.11 (17:00)Канец: 22.11 (18:00)
Нацыянальны мастацкі музей
(Мінск, вул. Леніна, 20)
22 лістапада 2019 года а 17-й гадзіне ў рамках Міжнароднага выставачнага праекта “Надзя. Да 115-годдзя з дня нараджэння Надзеі Хадасевіч” адбудзецца сустрэча з Алегам Лукашэвічам і Аляксандрам Аляксеевым – аўтарамі і рэжысёрамі фільма “Надзея Хадасевіч-Лежэ. Погляд у будучыню” (2014) з аўтарскага дакументальнага цыкла Алега Лукашэвіча “Мастакі Парыжскай школы. Ураджэнцы Беларусі”, знятага на заказ ААТ “Белгазпрамбанк”.
Аўтары раскажуць пра свой вопыт “пазнавання” Надзі Лежэ падчас кіназдымак і адкажуць на пытанні публікі.