У панядзелак, 6 траўня, у Варшаве адбудзецца сустрэча з фатографкай Аляксандрай Вялічка.
Дата: 6 траўня
Час: 18.30 (час мясцовы)
Месца: prastora_bel, Hoża 41, lok 2, Варшава
«Я раскажу пра тое, як сумяшчаць дакументальныя праекты і сучасную фатаграфію ў мастацкай практыцы, як заўсёды заставацца сабой. Як выпадковы дыялог ці жарт могуць натхніць на стварэнне праекту. Раскажу пра досвед узаемадзеяння з інстытуцыямі», — абяцае спадарыня Аляксандра.
Аляксандра Вялічка — мастачка, якая даследуе палітычную эміграцыю, постпраўду, калектыўную памяць, траўму і асабліва траўматычны досвед.
Уваход вольны, і можна аддзячыць данатам.
