«Быў у пана верабейка гаварушчы» Свабоднага тэатра зноў у Лондане

З 3 па 10 траўняСвабодны тэатр паўтарае лонданскія паказы спектакля «Быў у пана верабейка гаварушчы». 

Дата: з 3 па 10 траўня

Час: 19.00 (час мясцовы)

Месца: тэатр «Stone Nest», 136 Shaftesbury Ave, Лондан

Спектакль ставіцца паводле кнігі Змітра Бартосіка у адаптацыі Марыі Бяльковіч і Мікалая Халезіна.

Прэм’ера спектакля «Быў у пана верабейка гаварушчы» ўпершыню адбылася ў Мінску ў 2017 годзе. Гэта тэатральная вячэра, якая даследуе схаваныя гісторыі Беларусі, ставячы гледачоў у самы цэнтр святкавання сямейнага дня народзінаў.

За сталом, накрытым стравамі беларускай кухні, гледачы назіраюць за тостамі, палкімі прамовамі і танцамі, пакуль на паверхню не ўсплываюць даўно пахаваныя ўспаміны, калі гутарка пераходзіць у 1941 год і невымоўнае становіцца вымоўным.

Спектаклі ідуць на беларускай мове без субтытраў, але будзе даступны друкаваны канспект спектакля на ангельскай мове. Квіткі на пастаноўку ўключаюць вячэру і напоі, таксама даступныя мясныя, вегетарыянскія і веганскія стравы. Калі ў вас ёсць дадатковыя дыетычныя патрабаванні або алергія, паведаміце нам загадзя па электроннай пошце info@belarusfreetheatre.com

Мерапрыемства доўжыцца 2 гадзіны без перапынку ў разняволенай абстаноўцы, якая дазваляе зрабіць камфортныя перапынкі.

Больш звестак і замову квіткоў глядзіце па спасылцы.