У нядзелю, 25 верасня, у варшаўскім бары «Карма» выступае Света Бень.
Дата: 25 верасня
Час: 21.00 (час мясцовы)
Месца: бар «Karma», Aleja 3 Maja 15, Варшава
І будзе ўсё як мае быць — песні і вершы ў суправаджэнні гавайскай гітары, гармоніка і кішэннага піяніна.
Вось што кажа спадарыня Святлана:
«Гэта будзе сустрэча з цудоўным, марным, жыццёва неабходным і абсалютна ні да чаго не прыдатным, маляўнічым і замызганым, панічным, лірычным, артапедычным, які ўсяляе надзею і пазбаўляе залішняга аптымізму, навукова абгрунтаваным і заваліўшымся пад канапу. Карацей, будзе вечар з непрадказальным фіналам, шматпавярховым пачаткам і чымсьці выхухалепадобным пасярэдзіне».
Уваход — free donation.
