Сямейны фестываль на Коласавай сядзібе ў Мінску

 

У суботу, 21 чэрвеня, у музеі Якуба Коласа ладзяць сямейны фестываль. 

Вось праграма: 

 У 14:00 прапануюць вярнуцца ў мінулае і ў самым таямнічым месцы музея разам з дзецьмі паглядзець сапраўдныя дыяфільмы. 

А пасля зробяць з самазастывальнай гліны маленькія брошкі з галоўнымі героямі старых мультфільмаў. 

Кошт — 10 рублёў з чалавека. Запісвайцеся па спасылцы. 

 У 15:00 вас чакае спектакль «Груфала» ад інтэрактыўнага тэатра «Какава». 

Што можа выратаваць маленькага Мышаня ў лесе, калі на кожным кроку яго падсцерагае небяспека?! Толькі кемлівасць! 

Вось ён і прыдумляе сабе незвычайнага звера — Груфала. Ды толькі той, як высветлілася, сапраўды існуе! 

Разам з Мышаняткам дзеці адправяцца ў казачны лес, сустрэнуць хітрага Ліса, навучацца адрозніваць галасы птушак, створаць аркестр са змяіных бразготак і ўбачаць самога Груфала! 

А пасля паспрабуюць сябе ў ролі сапраўдных лялькаводаў на гульнявым майстар-класе «Тэатр бывае розным..». 

Квіткі — 20 рублёў дзіцячы, 10 рублёў дарослы. Запісвайцеся па спасылцы. 

 А ўвечары чакаюць дзяцей і падлеткаў на цікавыя гульнятэкі! (8+)  

У 16:00 гуляюць у «Бункер. Пакаленне Альфа». 

Размаўляйце, пераконвайце, даказвайце, раскрывайце свае моцныя якасці, ужывайце розныя стратэгіі дзеля таго, каб каманда пакінула вас у бункеры. 

А ў 17:00 пачнецца гульня ў Мафію! 

Прыходзьце знаёміцца, гуляць у культавую гульню, заводзіць новыя знаёмствы і весела бавіць час. 

Кошт кожнай гульні — 15 рублёў з чалавека. Месцаў на івэнты абмежавана. Запісвайцеся па спасылцы.