У пятніцу, 17 сакавіка, беларуская тэатразнаўца Таня Арцімовіч чытае ва Уроцлаве лекцыю «Трэці авангард у Савецкай Беларусі. Замарожаная дэкаланізацыя».
Дата: 17 сакавіка
Час: 17.00 (час мясцовы)
Месца: Instytut Grotowskiego (Czytelnia im. Ludwika Flaszena), Rynek-Ratusz 27, Уроцлаў
Якія авангарды былі ўвасобленыя ў Савецкай Беларусі?
Адкуль і куды вялі іх сляды?
Як трансфармаваліся іх ідэі і з якой мэтай?
Што гаворыць нам гісторыя беларускіх авангардаў?
Грунтуючыся на посткаланіяльным і біяграфічным падыходах, спадарыня Таня прадставіць выбраныя выпадкі авангарду ў Савецкай Беларусі як няздзейсненую гісторыю.
Яна разглядае ідэі авангарду па-за нацыянальнымі межамі, і таму тэрмін «беларускі» будзе адносіцца да гібрыднай ідэнтыфікацыі і топасу памежжа, які вызначаў характар авангарду і ў савецкай Беларусі.
Даследчыца таксама засяродзіцца на ўзаемасувязі міжнароднага авангарду з працэсамі дэкаланізацыі беларускай культуры ў міжваенны час.
Мовы лекцыі — беларуская, польская.
Уваход вольны, а бясплатныя квіткі можна пабраць па спасылцы.
