Вітаўтас В. Станёніс
ФОТАЗДЫМКІ ДЛЯ ДАКУМЕНТАЎ
“Фотаздымкі для дакументаў. Сейрыяй. 1946”. Гэта карткі, надрукаваныя з адной стужкі, на якую ў 1946 г. Вітаўтас Станёніс рабіў фотаздымкі для пашпартоў. Аднак гэта не сапраўдныя пашпартныя фотаздымкі, гэта матэрыял, з якога ў пасляваенны час яны рабіліся: з дапамогай вырабленага трафарэта пад павелічальнікам кадравалі і, друкуючы, такім чынам дзялілі седзячых побач, абразалі непатрэбны фон і пакідалі партрэты памерам 3 x 3,5 см. Але таго, пра што кажа назва – саміх фотаздымкаў, што выкарыстоўваліся для пашпартоў, мы так і не бачым. Мы бачым толькі павялічаныя загатоўкі для іх. Такіх В. Станёніс дакладна нікому не паказаў бы. Як і тых, скончаных – сапраўдных пашпартных фотаздымкаў. Яны былі проста вялікім заказам, які не меў нічога агульнага з мастацкай творчасцю (невядома, ці лічыў В. Станёніс фатаграфаванне творчым працэсам, ці проста працай, якая, вядома, лепей, каб была прыгожай, г.зн. мастацкай). Пра гэты заказ фатограф не ўзгадвае нават ў сваёй біяграфіі, хоць ён быў сапраўды важным: за грошы, заробленыя на пашпартных фотаздымках і здымках на памяць, ён набыў дом, у якім, дарэчы, пасля нарадзіўся сын Вітаўтас В. Станёніс – сапраўдны віноўнік гэтага праекта.
Творчая сустрэча з Вітаўтасам В. Станёнісам.
Галерэя сучаснага мастацтва “Ў”
А 19.00 гадзіне.
Пацікавіцца аб выставе больш: http://ygallery.by/
