Беларускі паэт, музыка і радыёжурналіст, ён спэцыялізуецца на разнастайных духавых інструмэнтах і шукае сынтэз між фры-джазам, фальклёрам, акадэмічнай і электроннай музыкай.
Асобнае месца ў ягонай творчасці займае імправізацыя. Сямашка ўдзельнічаў у ансамбля інтуітыўнай імправізацыі «Князь Мышкін», супрацоўнічаў з «Нагуаль».
На рахунку Віктара выступы ў розных краінах Эўропы і вялікая колькасьць сольных альбомаў. Паміж іншым, нядаўна з’явіўся «Źnianacku» – дыск з яго выступу ў ДК «La мора», у якім паўдзельнічала значная колькасць запрошаных музыкаў.
Віктар не п’е, не курыць і зусім не карыстаецца мабільным тэлефонам. Ён проста грае п’есы для адзінокай флейты ў мінскіх кавярнях для выпадковых слухачоў, піша магічныя вершы, а ў вольны ад творчасці час працуе на радыё.
Пачатак імпрэзы ў 19.00. Аўторак, 8 жніўня. Валгаградская 6.
