Літаратура Мінск

Урачыстае адкрыццё “Фэсту апошняй цыгарэты”

Пачатак: 25.05 (16:00)
Канец: 25.05 (17:00)
кнігарня "логвінаЎ"

(Мінск, пр. Незалежнасці, 37а)

25 мая, аб 16-00 роўна, на ганку сваёй установы на Незалежнасці 37а логвінаўцы – а таксама ўсе ахвочыя аматары кнігі  – урачыста пры сведках і выблісках фотакамер выпаляць апошнюю цыгарэту.

Крыху перадгісторыі. Пасля вэрхалу з выплатай штрафу супрацоўнікі  кнігарні “логвінаЎ” прызналі, што з іх досыць. Яны больш не маюць намераў выдаткоўваць здароўе яшчэ і на шкодныя звычкі. Менавіта тады логвінаўцы далі зарок, што калі  кнігарню не зачыняць, дык яны ўсе як адзін, на чале з Ігарам Логвінавым, кінуць паліць. І во маем – сёння кнігарня працуе, і, здаецца, самы час датрымацца слова.