1 траўня гісторык ды этнограф Павел Каралёў запрашае ў вандроўку «Магнацкія дыяменты» па Гарадзеншчыне. Маршрут: Мінск — Косава — Ружаны — Жыровічы — Альбярцін (Слонім) — Мінск.
Дата: 1 траўня
Час: выезд у 7.30, вяртанне а 23-й.
Месца: Гарадзеншчына
У Косаве вы ўбачыце Троіцкі касцёл 19 ст. Наведаеце адноўленую сядзібу, дзе нарадзіўся знакаміты Тадэвуш Касцюшка, і Косаўскі палац магнатаў Пуслоўскіх, адзін з самых велічных у Беларусі.
У Ружанах пабачыце выдатны палацава-паркавы комплекс Сапегаў, які называюць «Ружанскі версаль». Наведаеце музей, размешчаны ў адноўленай браме. Таксама ў самім мястэчку падзівіцеся на Троіцкі касцёл і Петра-Паўлаўскую царкву, пабачыце рэшткі сінагогі.
У Жыровічах вас чакае цудоўны барочны архітэктурны ансамбль Свята-Успенскага мужчынскага манастыра 17-18 ст., фундаваны шматлікімі магнатамі.
У Альбярціне пад Слонімам вы ўбачыце палацава-паркавы комплекс Пуслоўскіх 19 ст.
Запіс і дадатковая інфармацыя па спасылцы.
