Вандроўка за шчуркамі «Валадар пярсцёнкаў» у Нацпарку «Прыпяцкі»
22.07.2023
11:00 - 18:00
Нацпарк «Прыпяцкі»
Бясплатнае
У суботу, 22 ліпеня, Нацпарк «Прыпяцкі» кліча ў вандроўку за шчуркамі!
Дата: 22 ліпеня
Месца збору: аграгарадок Ляскавічы, гатэль «Над Прыпяццю», Петрыкаўскі раён
Засталося зусім мала часу: неўзабаве птушаняты рэдкай ды прыгожай птушачкі — залацістай шчуркі — пакінуць гнёзды і калонія спусцее. А пакуль бацькі актыўна лётаюць і выкормліваюць сваё патомства. То не прапусціце шанец: экскурсія паўторыцца толькі праз год!
Вас чакае захапляльнае падарожжа ў свет залацістай шчуркі, птушак, дзікай прыроды і археалогіі:
будзеце назіраць і любавацца самай прыгожай птушкай Беларусі — залацістай шчуркай у біноклі і падзорную трубу;
паназіраеце за гняздом чорнага бусла і яго насельнікамі на свае вочы пазнаёміцеся з іншымі птушкамі Нацыянальнага парку і прымеце ўдзел у іх кальцаванні разам з арнітолагамі ў палявым лагеры.
І калі пашанцуе, у арніталагічныя сеткі заляціць залацістая шчурка і яе акальцуюць на вашых вачах;
ці зможаце выпусціць птушак пасля кальцавання. Даведаецеся, навошта кальцуюць птушак, куды яны ляцяць і цікавыя факты пра іх;
прагуляецеся па Палескіх «Мальдывах» — пясчаных выдмах, патрымайце ў руках археалагічныя артэфакты з неаліту, якія ляжаць тамака наўпрост пад нагамі;
выкупаецеся ў прыгожым старым возеры пасярод белых гарлачыкаў;
пафоткаеце балотных чарапах, калі яны зробяць ласку прагуляцца па пясчаных выдмах;
пераправіцеся на пароме праз Прыпяць у Дарашэвічах;
праедзеце праз поймавыя дубровы і лугі;
убачыце дзівосныя пейзажы, зробіце шмат крутых фатаграфій і вывезяце масу ўражанняў, якія яшчэ доўга будзеце ўспамінаць.
У кошт уключана:
трансфер
пераправа на пароме ў Дарашэвічах
суправаджэнне арнітолагам і гідам
экскурсійная праграма
біноклі і падзорныя трубы
Дадаткова аплачваецца:
харчаванне
пражыванне, калі жадаеце, у туркомплексе Дарашэвічы, гатэль «Над Прыпяццю» ў Ляскавічах. Магчыма размяшчэнне ў палатках на туркомплексе ў Дарашэвічах.
Кошт удзелу — 70 рублёў + 5 рублёў эказбору.
З пытаннечкамі ды па запіс звяртайцеся смела па нумары +375339180733.
