Вера Беларусі
Вандроўка першая, касмаганічная
“У цэнтры сьвету, на ўскрайку сьвядомасьці”
У суботу 24-га траўня разам з Ірынай Дубянецкай выпраўляемся ў навуковую экспедыцыю па дасьледаваньні феномена беларускае полірэлігійнае традыцыі.
Ехалі мы логам,
Сустрэліся з богам,
Ехалі мы лесам,
Стрэліся з Вялесам,
А казаў нам божа:
«Ці добра ж вам будзе?»
(з Уладзіміра Караткевіча)
Падарожжа ў складках прасторава-часавага кантынуўму ў спадзяваньні пабачыць цмакоў (ці іх сьляды); сьвятых (ці іх сьляды); дасьледаваць замкавыя таямніцы (ці іх сьляды); легендарныя гарады, храмы й корчмы (ці вазёры, ў якія яны паправальваліся); пакаштаваць вадзіцы з жывой крыніцы, а таксама даведацца, хто, дзе й навошта ствараў сусьвет і беларускія краявіды.
Парталы ў падпрастору і ў пятае вымярэньне будзем шукаць у пунктах на сакральных лініях, якія праходзяць праз Валожыншчыну, Вілейшчыну й Лагойшчыну.
Каб патрапіць, тэлефануйце: +375 29 1802838, Святлана
