У нядзелю, 21 красавіка, у прасторы «Кропка» адбудзецца варштат па выпечцы жытнёвага хлеба. З дэгустацыяй «Нарачанскага»!
Дата: 21 красавіка
Час: з 13.00 да 16.00 (час мясцовы)
Месца: прастора «Кропка» (адрас нагадаюць па рэгістрацыі), Тбілісі
Вы пазнаёміцеся з традыцыямі хлебапячэння ў Беларусі і даведаецеся больш пра сучасны беларускі хлеб. А таксама разберацеся, як спячы такі хлеб самастойна.
Кожны зможа сысці са сваёй закваскай (рошчынай) і рэцэптам прыгатавання хлеба, які падрабязна разбяруць на сустрэчы.
Вазьміце з сабой, калі жадаеце зрабіць закваску, невялічкія шкляныя банкі (бо на ўсіх можа не хапіць).
Удзел вольны, рэгіструйцеся праз тэлеграм @kurovsik.
