У ноч з 29 на 30 кастрычніка 1937 года ў Менску, меркавана ва ўрочышчы Курапаты, былі расстраляныя больш за 100 беларускіх дзяржаўных, грамадскіх, культурных дзеячаў, навукоўцаў, работнікаў адукацыі. Сярод іх літаратары: паэты, празаікі, перакладчыкі, крытыкі. Таму гэтая трагічная ноч увайшла ў гісторыю пад назвай «Ноч расстраляных паэтаў».
Дата: 30 кастрычніка
Час: 18.30 — 20.30 (час мясцовы)
Месца: Barbara, Świdnicka 8B, Уроцлаў
Уваход бясплатны. Патрэбна рэгістрацыя.
Кожны год беларусы ўсяго свету праводзяць імпрэзы памяці нашых папярэднікаў, нявінна знішчаных уладамі.
Шчыра запрашаем вас на мерапрыемства «Ноч паэтаў», прысвечанае беларускім культурным дзеячам, якія былі расстраляныя ў ноч з 29 на 30 кастрычніка 1937 года. У гэтыя дні, аднак, варта памятаць і пра тых, хто перажыў гэты жудасны час, застаючыся сабой.
Гэта вечар падзякі нашым выдатным паэтам і пісьменнікам. Будзем чытаць вершы, слухаць гісторыі і жывую музыку.
