Віцебск. Прэзентацыя «Гендар і палітыка пачынаюцца з лакальнага»

10.04.2015 18:00 - 21:00 Beatles-club (вул. Кастрычнічкая, 12) Бясплатнае

Запрашаем на прэзентацыю «Гендар і палітыка пачынаюцца з лакальнага», якую правядзе выкладчык дэпартамента сацыяльных і палітычных навук ЕГУ Уладзіслаў Іваноў.

Прэзентацыя адбудзецца 10 красавіка а 18-й гадзіне ў Віцебску ў Beatles-club (вул. Кастрычнічкая, 12).

Прэзентацыя ахоплівае лакальны (пад’езд, дом, мястэчка, горад, вобласць), прыватны (сям’я, асоба) узровень як важны і пачатковы этап фармавання веды пра палітычнае і гендарнае. Як вядома, у дэмакратыі палітыка і гендар пачынаюцца з лакальнага, прыватнага, правінцыйнага, з пад’езда, дома, з сям’і, у дэмакратыі ініцыятыва ідзе не толькі зверху, але перадусім і часцей за ўсё знізу. Нават калі такая тэндэнцыя не ўлічваецца ў недэмакратыі, то ўсё адно першыя рэальныя палітыкі пачынаюцца з таго, што людзі арганізуюць пад’ездныя камітэты, спрабуюць уладкаваць двор, напісаць ліста дэпутату-абранніку раёна, абараніць свае мясцовыя інтарэсы.

Тое самае мы назіраем з паняткам «гендар», хоць ён застаецца нямодным, невядомым, падазроным у Беларусі. І тым не менш афіцыйна прызнаная гендарная палітыка, праграма ўраду Беларусі дэманструе, што гендарная тэма ўвайшла ў публічную сферу. Якраз тут цікава пазначыць розніцу паміж афіцыйным універсальным бачаннем гендару (агульнае дэклараванне роўнасці палоў) і бачаннем лякальным, канкрэтным (жаночыя прадпрымальніцкія, інтэлектуальныя ініцыятывы, ініцыятывы жанчын супраць гвалту і пад.).


Вам можа быць цікава

Выстава «Рэстаўрацыйная майстэрня» ў Віцебску

25.04.2025 11:00 - 31.08.2025 18:00 мастацкі музей (вул. Леніна, 32)

Рэтраспектыва фільмаў, уганараваных у Канах, у Мінску

28.06.2025 19:30 - 23.07.2025 21:00 Прастора «Манахром» (вул. Кастрычніцкая, 16/3 (2 паверх))

Купальскія прыгоды ў Дукоры

05.07.2025 13:00 - 06.07.2025 19:00 Дукорскі маёнтак (вул. Школьная, 12)

Свята «З народзінамі, Марк!» у Віцебску

07.07.2025 (17:00 - 19:00) дом-музей Марка Шагала (вул. Пакроўская, 11)

Апошняе
на Budzma.org

чытаць яшчэ