У межах кампаніі “Будзьма беларусамі!” 21 студзеня а 18й гадзіне “Кніжная Шафа” апынецца ў прасторы фры-джазу. Сваю праграму прадставіць Віктар Сямашка, беларускі паэт, тэлевядучы і музыка.
У свай творчасці ён шукае сінтэз вольнага джазу, фальклору, акадэмічнай і электроннай музыкі. Спецыялізуецца ў шырокім дыяпазоне духавых інструментаў, часта гуляе з гукавымі эфектамі. Віктар Сямашка таксама апублікаваны ў шэрагу зборнікаў беларускай паэзіі і стварыў радыёпраграмы пра беларускую музычную культуру — “Тэра Нова” і “Кракатук”.
Пазнаёміцца з яго творчасцю можна па спасылцы https://logos-spermatikos.bandcamp.com
Ну а “Кніжная Шафа” чакае вас на гэтым цікавым мерапрыемстве, дзе музыка і вершы жывуць самі па сабе, але разам уяўляюць адзінае цэлае, з якога нараджаюцца меладэкламацыі.
Будзем знаёміцца з самымі незвычайнымі кірункамі беларускага музычнага мастацтва!
УВАХОД ВОЛЬНЫ!
пр. Дзяржынскага, 9, (уваход са двара, каля пад’езда №5).
Увага, шаноўныя!
Патрэбна рэгістрацыя (па тэлефоне), каб удакладніць колькасць гасцей.
Тэлефоны для даведак: +375(17)234-48-64, vel.: +375(29)645-20-55.
