закрыць
Мінск Літаратура

Вечар памяці Генадзя Бураўкіна “Я ўдзячны і бацькам, і Богу за мне падараваны кут…”

13.09.2016 17:00 - 17:00 Літаратурны музей Максіма Багдановіча (вул. М.Багдановіча, 7а) Бясплатнае

13 верасня 2016 года адбудзецца вечар памяці Генадзя Бураўкіна “Я ўдзячны і бацькам, і Богу за мне падараваны кут…”, прымеркаваны да 80-годдзя з дня нараджэння паэта.

Генадзь Бураўкін – паэт, журналіст, дыпламат, адзін з яркіх і самабытных прадстаўнікоў пасляваеннага пакалення. Лаўрэат Дзяржаўнай прэміі імя Янкі Купалы за кнігу вершаў “Варта вернасці (1980). Першыя вершы надрукаваў у 1952 годзе ў полацкай газеце “Сцяг камунізма”.

Перакладаў на беларускую мову вершы рускіх, украінскіх, малдаўскіх, балгарскіх паэтаў.

Укладальнік кнігі “Наш Быкаў” — першай кнігі ўспамінаў пра Васіля Быкава.

На вечарыне адбудзецца прэзентацыя кнігі “Перадусім Беларусь: згадваючы Генадзя Бураўкіна: гутаркі, успаміны, эсэ, дзённікі, прысвячэнні”, укладальнікам якой з’яўляецца Сяргей Шапран. Выданне падрыхтавана да юбілею паэта. Сярод удзельнікаў імпрэзы – аўтары гэтай кнігі: Міхась Скобла, Барыс Пятровіч, Васіль Зуёнак, Сяргей Законнікаў, Анатоль Вярцінскі, Уладзімер Арлоў і інш.

Падчас мерапрыемства будуць прадстаўлены цікавыя матэрыялы з архіва паэта, якія Юлія Якаўлеўна Бураўкіна перадала ў фонды музея.

Запрашаем усіх аматараў творчасці Генадзя Бураўкіна на сяброўскую паэтычную вечарыну ў Літаратурны музей Максіма Багдановіча (вул. М.Багдановіча, 7а).

Пачатак імпрэзы а 17-й гадзіне.

 

дадаць у google каляндар

Вам можа быць цікава

Выстава «Панямоння жыватворныя крыніцы» ў Гродне

17.09.2025 15:00 - 31.10.2025 18:00 абласны цэнтр народнай творчасці (вул. Саввецкая, 8)
Гродна Выставы

Выстава Аляксандра Падалінскага «У пошуку» ў Віцебску

03.10.2025 17:00 - 02.11.2025 18:00 арт-цэнтр Марка Шагала (вул. Савецкая, 25)
Віцебск Выставы

Стэндап на мовах ва Уроцлаве

02.11.2025 (19:00 - 21:00) Wędrówki Pub (Podwale 37/38)
Уроцлаў Канцэрты Іншае

Апошняе
на Budzma.org

чытаць яшчэ

Папулярнае

чытаць яшчэ

Важнае пра нас

© 2008-2025, Budzma.org