Фэст «Мюнхеншчына-2026» пад Мюнхенам

Не паспелі азірнуцца, як з 19 па 21 чэрвеня беларусы Мюнхена ладзяць у Нойбургу-на-Дунаі фэст «Мюнхеншчына-2026».

Вас чакаюць майстар-класы на розныя тэмы, спартыўныя мерапрыемствы, вечаровыя імпрэзы, песні ля вогнішча, новыя знаёмствы і цёплы беларускі нэтворкінг.

Праграму і расклад майстар-класаў апублікуюць трошку пазней.

Калі вы жадаеце прапанаваць варкшоп ці актыўнасць, то звяжыцеся з арганізатарамі ці пазначце ў анкеце. Рэферэнты варкшопаў будуць вызваленыя ад унёску за мерапрыемства.

Пражыванне і харчаванне на працягу 3 дзён фестываля ўключаныя ва ўнёсак.

Трэба мець з сабой:

• намёт;

• турыстычны кілімок/карэмат/плёнку;

• спальны мяшок;

• КЛМН — кубак, лыжку, міску, нож;

• дажджавік;

• ручнік;

• цёплыя рэчы;

• сродак аховы ад камароў і ад сонца;

• добры настрой!

Паведаміце арганізатарам, калі маеце алергію на ўкусы насякомых, харчовую алергію, іншыя адметнасці, якія варта мець на ўвазе дзеля вашае бяспекі.

Сяброўскі ўнёсак:

• для ўдзельнікаў сталейшых за 16 гадоў — 100 еўра (аплата да 9 чэрвеня — 100€, пасля — 110€, на месцы — 120€)

• для дзяцей ад 15 да 16 гадоў (уключна) — 50 еўра (аплата да 9 чэрвеня — 50€, пасля і на месцы — 55€)

• для дзяцей ад 4 да 14 гадоў (уключна) — 30 еўра (аплата да 9 чэрвеня — 30€, пасля і на месцы — 35€)

• для дзетак да 3 гадоў — бясплатна.

З пытаннечкамі не бойцеся звяртацца па вацапах:

+491781109241 (Таццяна)
+4915756149733 (Дзяніс)

альбо па мэйле m-fest-bayern@razam.de.

Месцаў абмежавана, то запісвайцеся па спасылцы (рэгістрацыя вашага дзіцяці па гэтай спасылцы) да 15 чэрвеня.

Звярніце ўвагу: кожны дарослы запаўняе асобную заяву, заяву для дзіцяці запаўняе толькі адзін з бацькоў.

Ваш удзел пацвердзяць мэйлам.