28 кастрычніка (нядзеля) 2018 г. у рамках выставы “Армянская Палітра” музычны праект Bon Voyage пазнаёміць беларускую публіку з мелодыямі і рытмамі Арменіі. У праграме прагучаць творы А.Хачатурана, А.Аруцюняна, Э.Багдасарана, Р.Каняна, А.Бабаджаняна, Ш.Азнавура.
Вечар упрыгожаць далікатныя і таямнічыя гукі армянскага дудука.
У канцэрце прымаюць удзел:
Вольга Перагуд (сапрана),
Карынэ Дрнаян (дудук),
Святлана Сцефаненка (фартэпіяна),
Юлія Лейко (фартэпіяна),
Эла Іванова (скрыпка),
Наталля Грудзіна (віяланчэль),
Таццяна Беразоўская (перкусія).
Музычны праект Bon Voyage існуе з 2014 года. За гэты час дзяўчаты пазнаёмілі беларускую публіку з мелодыямі Італіі, Іспаніі, Францыі, Турцыі, Венгрыі, Фінляндыі, рытмамі Паўднёвай Амерыкі і Афрыкі. У 2015 годзе праект прыняў удзел у святкаванні 70-годдзя Арганізацыі Аб’яднаных Нацый; разам з цягніком ААН дзяўчыны праехалі з канцэртамі па ўсёй краіне. А ўлетку 2017 года праект стаў адным з хэдлайнераў Дзён культуры Фінляндыі ў Мінску.
Праект аб’ядноўвае маладых музыкаў, лаўрэатаў і дыпламантаў міжнародных і рэспубліканскіх конкурсаў. Мастацкі кіраўнік праекта – Вольга Перагуд.
Пачатак канцэрта: 19.00.
Месца правядзення: Нацыянальны мастацкі музей Рэспублікі Беларусь (вул. Леніна, 20).
Кошт уваходнага білета: 12 руб.
