Вечарына “Мой паэтычны дэбют”

Назіраючы за вядомымі спартоўцамі падчас чэмпіянатаў, наўрад ці хто задумваецца  пра тое, як выглядалі іх першыя спробы ў абраным кірунку. Чытаючы творы вядомага пісьменніка, таксама наўрад ці нехта задумваецца пра тое, якімі былі яго першыя літаратурныя крокі: у кімсьці маглі адразу заўважыць патэнцыял, а да намаганняў іншага паставіцца даволі скептычна.

18 студзеня 2019 г. а 19-й гадзіне Літаратурны музей Максіма Багдановіча запрашае ўсіх ахвотных на вечарыну  “Мой паэтычны дэбют”. Сустрэча прысвечана 110-годдзю паэтычнага дэбюту ў друку класіка беларускай літаратуры Максіма Багдановіча (газета “Наша Ніва” №1 за 1909 год, верш “Над магілай”). Гісторыя прызнанага майстра беларускага слова не была пазбаўлена нюансаў, пра якія якраз і можна будзе даведацца на вечарыне. Яе гасцямі стануць вядомыя беларускія паэты розных пакаленняў: Адам Глобус, Людміла Рублеўская, Андрэй Хадановіч, Віктар Лупасін, Уладзь Лянкевіч, Віка Трэнас, Юля Цімафеева, Георгій Барташ, Таццяна Светашова.

Кожны з іх распавядзе гісторыю свайго паэтычнага дэбюту ў друку і падзеліцца тым, як сёння ўспрымае гэтую падзею.

Месца правядзення: Літаратурны музей Максіма Багдановіча (г.Мінск, вул. М.Багдановіча, 7а – Траецкае прадмесце).

Дата і час: 18 студзеня, пачатак 19-й гадзіне.

Тэлефон для даведак: (8-017) 334-42-69.

Уваход вольны.

Спасылкі на мерапрыемства ў сацсетках: Facebook.com i Vk.com