У пятніцу, 7 чэрвеня, у бары «Мірзам» адкрываецца выстава Дар’і Каляды «Страчаная фотастужка».
Дата: 7 чэрвеня
Час: 19.00 (час мясцовы)
Месца: бар «Мірзам», ul. Tandeta 1, Гданьск
«З’язджалі мы ўсе, пакуючы рэчы ў спешцы, распакоўвалі медытатыўна, як падарункі — кожная кніжка, ліст, дробязі захоўваюцца, як кавалак дома, у які вярнуцца можна толькі спадзявацца. Згубілася там і непраяўленая плёнка без пазнак. Незразумела, з якой эпохі, што на ёй.
Апынулася, што на ёй проста Мінск, пачатак 2014 года. Той самы наш Мінск, які дагэтуль сніцца і які ўжо ніколі не вернецца.
Гэтая выстава — не свята ганарыстасці і не падвядзенне вынікаў. Я проста хачу падзяліцца кавалкамі памяці», — кажа спадарыня Дар’я.
За музычную атмасферу будуць адказваць гурт «Дом сувязі» і спявачка Кетэван.
Уваход заўсёды вольны, данаты заўсёды вітаюцца.
