Выстава «Інсітныя мастакі Міншчыны: персоны» ў Мінску
26.06.2024 - 28.07.2024
17:30 - 20:00
мастацкая галерэя «Цэнтр» (вул. Гікалы, 4)
5 рублёў
У сераду, 26 чэрвеня, у галерэі «Цэнтр» адкрываецца выстава «Інсітныя мастакі Міншчыны: персоны».
Дата і час: 26 чэрвеня ў 17.30
Месца: мастацкая галерэя «Цэнтр», вул. Гікалы, 4 (будынак Пушкінскай бібліятэкі), Мінск
Гэта ўжо трэцяя выстава з цыклу экспазіцый твораў мастакоў-самавукаў, якія працуюць з жывапіснымі і графічнымі матэрыяламі.
Своеасаблівым пачаткам экспазіцыі сталі творы Івана Занкавіча (1912-1984), якія захоўваюцца як экспанаты Вілейскага краязнаўчага музея. Акрамя карцін, зможаце азнаёміцца з дакументамі і артыкуламі ў прэсе, лістамі 1950-1970-х гг., якія распавядаюць пра творчы шлях мастака.
Зоя Дзятчык усё жыццё працавала інжынеркай, а пачала займацца мастатцтвам толькі ў 70 год пры падтрымцы сваёй сям’і.
Аляксандр Раманоўскі — удзельнік народнага калектыву майстроў народнай творчасці «Скарбонка» Капыльскага цэнтра культуры.
Віталь Мкртчан прэзентуе серыю краявідаў (палатно, алей), выкананых пад натурнымі уражаннямі.
Аляксандр Шакун — самы малады мастак з прадстаўленых на выставе, жыве ў вёсцы Саланая Валожынскага раёна.
Працуе выстава па 28 ліпеня.
