Калі вы не паспелі на «Восеньскі салон», то можна заскочыць у апошні вагончык: у Палацы мастацтваў адкрылася выстава маладых беларускіх мастакоў — пераможцаў «Восеньскага салона».
Дата: па 24 лістапада
Час: з 11.00 да 20.00 (час мясцовы)
Месца: Палац мастацтваў, вул. Казлова, 3, Мінск
Творы Эльміры Мухтаравай, Паліны Белай, Алесі Скарабагатай, Фёдара Шурмялёва, Анастасіі Чадзій і іншых аўтараў можна пабачыць да 24 лістапада.
Тут можна пабачыць творы 45 мастакоў, за якіх наведвальнікі выставы Восеньскі Салон з Белгазпрамбанкам галасавалі найбольш актыўна.
Зала падзелена па намінацыях, згодна з якімі былі ўзнагароджаны аўтары: жывапіс, графіка, скульптура, інсталяцыя, дэкаратыўна-прыкладное мастацтва і фатаграфія.
Куратарка — Кацярына Янкоўская.
