У суботу, 7 снежня, у Цэнтры беларускай культуры і супольнасці адкрываецца выстава «Месцы і памяць».
Дата: 7 снежня
Час: 16.00 (час мясцовы)
Месца: Цэнтр беларускай культуры і супольнасці, Vilniaus, 20, Вільня
На выставе прадстаўлена частка фатаграфій, зробленых падчас экспедыцый па даследаванні гісторыі яўрэйскіх мястэчак і Халакоста ў Беларусі ў межах некалькіх праектаў.
Спалучэнні эмацыйных партрэтных, пейзажных фатаграфій і тэкстаў дазволяць прачуць перажыванні гэтых людзей, якія пражылі цэлае жыццё, поўнае падзей, што назаўжды змянілі лёс іх сем’яў, іх гарадоў або вёсак, краіны, ды і ўсёй Еўропы.
Гэтыя невялікія мазаічныя фрагменты прыватных гісторый, лакальных месцаў, выпадковых сустрэч дапамагаюць скласціся больш цэласнай карціне знікаючай, разам з носьбітамі, якія сыходзяць з жыцця, памяці аб яўрэйскай трагедыі ў Беларусі.
Аўтары — Аляксандр Ліцін і Іда Шэндэровіч.
Куратар — Сяргей Харэўскі (Цэнтр беларускіх і рэгіянальных даследванняў, ЕГУ).
Уваход вольны.
