У нядзелю, 19 траўня, у Варшаве адкрываецца інтэрактыўная выстава пра беларускіх палітвязняў «Муры».
Дата: 19 траўня
Час: 14.00 (час мясцовы)
Месца: пляц каля помніка Каперніку, Кракаўскае прадмесце, Варшава
Яна прымеркавана да Дня беларускіх палітвязняў, які адзначаецца 21 мая, — у гэты дзень у 2021 годзе ў шклоўскай калоніі № 17 быў забіты палітвязень Вітольд Ашурак.
Пасля ў месцах зняволення былі пазбаўленыя жыцця палітвязні Мікалай Клімовіч, Алесь Пушкін, Вадзім Храсько, Ігар Леднік і Аляксандр Кулініч. Сёння ў Беларусі толькі афіцыйна прызнаныя палітвязнямі каля 1500 чалавек, рэальная лічба — у разы большая/
У жорсткіх умовах яны адбываюць тэрміны за сваю прагу да свабоды.
Аснова выставы — больш за 1300 чорна-белых партрэтаў з QR-кодамі, якія вядуць на персанальныя старонкі палітзняволеных на сайце ПЦ «Вясна». Фотаздымкі з’яўляюцца таксама часткай інсталяцыі, якую складаюць калючы дрот і турэмныя слупы.
Назва экспазіцыі адсылае да песні, якая гучала падчас антыкамуністычных пратэстаў у Польшчы і стала сімвалам пратэстаў супраць беззаконня і гвалту ў Беларусі.
Акрамя адкрыцця выставы, 19 мая ля помніка Каперніку пройдзе мітынг.
Экспазіцыя таксама будзе паказана на пляцоўцы ля WITRYNA Domu Wschodniego 21 траўня і будзе прывезеная ў Вроцлаў 25 траўня, дзе пройдзе канцэрт і акцыя салідарнасці з палітзняволенымі.
Уваход вольны.
