23 сакавіка 2022 года ў галоўным корпусе Мастацкага музея адбудзецца адкрыццё першай маштабнай персанальнай выставы габеленаў «Разам з сонцам» майстрыні дэкаратыўна-прыкладнога мастацтва Ніны Пілюзінай.
Дата: 23 сакавіка
Час: 17.00
Месца: Нацыянальны мастацкі музей, Леніна, 20, Мінск
Ніну Васільеўну Пілюзіну (нарадзілася ў 1944 г.) называюць класікам беларускага тэкстыльнага мастацтва, віртуозным майстрам мастацкага габелена.
У экспазіцыі можна пабачыць амаль 40 твораў з калекцый Нацыянальнага мастацкага музея Рэспублікі Беларусь, Нацыянальнага цэнтра сучасных мастацтваў, Баранавіцкага краязнаўчага музея і Беларускага саюза мастакоў.
Выстава працуе па 17 красавіка.
