Выстава «Odszkolnić!» у Беластоку
08.07.2022 - 18.08.2022
18:00 - 19:00
галерэя «Арсенал» (ul. Mickiewicza 2)
Бясплатнае
У беластоцкай галерэі «Арсенал» адкрылася выстава «Odszkolnić!». Удзел у ёй сярод іншых бяруць і беларускія мастакі Уладзімір Храмовіч, Оля Сасноўская і Аляксей Барысёнак.
Дата: 8 ліпеня
Час: 18.00 (час мясцовы)
Месца: галерэя «Арсенал», ul. Mickiewicza 2, Беласток
На выставе прадстаўлены работы і мастацкія практыкі, прысвечаныя праблемам інстытутаў; бунты акадэмічных супольнасцяў і ініцыятыў барацьбы з іх паталогіямі.
На працягу шасці тыдняў праект «Odszkolnić!» будзе рэалізоўваць альтэрнатыўныя адукацыйныя праекты аўтараў і іх груп самаадукацыі, нізавыя калектыўныя практыкі абмену ведамі і супольнага навучання і творчасці.
Канфлікты ў мастацкіх акадэміях Цэнтральнай і Усходняй Еўропы з’яўляюцца вынікам, з аднаго боку, феадальных і патрыярхальных структур, якія яны атрымалі ў спадчыну, а з другога — з посттрансфармацыйнага наступу неаліберальных практык.
Сёння гэтыя праблемы таксама спалучаюцца са спробамі аўтарытарных урадаў абмежаваць аўтаномію універсітэтаў і акадэмій. Таму ўсё часцей мы сутыкаемся ня толькі з пытаннем, ці варта абараняць іерархічныя структуры ад камерцыялізацыі, але і ці асуджаныя мы змагацца за захаванне status quo перад абліччам аўтарытарных памкненняў улады.
Ці магчымы іншыя інстытуты? Калі не, то як могуць выглядаць альтэрнатыўныя мадэлі мастацкай адукацыі? У межах выставы адбудуцца майстар-класы і перформансы, а таксама куратарскія экскурсіі.
Выстава працуе па 18 жніўня.
