У пятніцу, 16 снежня, у Музеі Вольнай Беларусі адкрываецца выстава «Малюю наша жыццё» аўтаркі ўсім вядомых коцікаў-беларусаў Вольгі Якубоўскай.
Дата: 16 снежня
Час: 18.00 (час мясцовы)
Месца: Музей Вольнай Беларусі, ul. Foksal 11, Варшава
Усе мы былі проста беларусамі да 2020 году. Жылі, працавалі, малявалі. Але падзеі жніўня перавярнулі нашае жыццё, і пачалася новая эпоха змен.
Так у жыцці Вольгі з’явіліся «Коцікі Свабоды». Пазітыўныя героі, коцікі, супрацьстаяць ваўкам; беларусы-коцікі, падтрымліваюць сваіх змагароў за правы і свабоды.
Усе героі і сюжэты нашага новага жыцця адлюстраваны ў гэтых карцінах. Па іх лёгка прасачыць летапіс падзей нашага новага часу.
То прыходзьце паглядзець на нашае жыццё спагадлівымі вачыма спадарыні Вольгі.
Выстава працуе па 13 студзеня.
Уваход вольны!
