27 ліпеня ў Віцебскім цэнтры сучаснага мастацтва адкрываецца выстава прац выпускнікоў Мінскага мастацкага каледжа імя Глебава «3/4 стагоддзя». Прымеркаваная яна да 75-годдзя каледжа.
Дата: 27 ліпеня
Час: 17.00
Месца: Віцебскі цэнтр сучаснага мастацтва, вул. Генерала Белабародава, 5, Віцебск
3/4 стагоддзя — менавіта столькі часу прайшло з дня заснавання «Глебаўкі». Тут станавіліся мастакамі Міхаіл Савіцкі, Май Данцыг, Віктар Грамыка, Арлен Кашкурэвіч, Леанід Шчамялёў, Георгій Паплаўскі, Іван Міско, Васіль Шаранговіч.
На выставе можна пабачыць больш за 50твораў выпускнікоў каледжа: жывапіс, графіку, скульптуру і творы дэкаратыўна-прыкладнога мастацтва.
Падчас выставы адбудуцца сустрэчы з выпускнікамі «Глебаўкі», якія раз’ехаліся па розных кутках Беларусі і свету.
Працуе выстава па 4 верасня. Завітвайце!
