У сераду, 14 жніўня, у галерэі «Full Frame» адкрываецца выстава Яніны Чарпухінай-Андрэевай «Старамодныя сюжэты».
Дата: 14 жніўня
Час: 18.30
Месца: галерэя «Full Frame», вул. Прытыцкага, 10 (уваход у арцы), Мінск
«Старамодныя сюжэты» — гэта амаж жанру класічнага салоннага нацюрморта, магчымасць адчуць моманты жыцця людзей з ранейшых стагоддзяў.
Кожны нацюрморт пачынаецца з гісторыі, перад вачыма ўстаюць выявы вызначанага месца і часу, пад іх і выбудоўваецца кампазіцыя.
Загадзя немагчыма прадбачыць, як будуць паводзіць сябе прадметы ў нацюрморце.
Часткі кампазіцыі ажываюць і пішуць уласную рэальнасць: прылавак рыбнага рынку або хітры кот, які чакае зручнага моманту; вечар ва ўсходнім шатры ці вясковы склеп; нядзельнае чаяванне або кабінет старога мараплаўца.
