Абнавілася экспазіцыя ў арт-галерэі «Банка Дабрабыт». Да канца лютага тут можна пабачыць карціны беларускага мастака Генадзя Козела.
Дата: з 7 па 26 лютага
Час: па буднях з 9 да 20 гадзін, у суботу з 10 да 18 гадзін
Месца: галерэя банка «Дабрабыт», пр-т Пераможцаў, 3, Мінск.
У экспазіцыю ўвайшлі некалькі дзясяткаў карцін, у якіх аўтар эксперыментуе з фактурамі, а таксама работы, дзе мастак ідзе не ад белага тону палатна, а ад цёмнага. Сярод іх — партрэты і вобразы-сімвалы, якія трэба будзе разгадаць наведвальнікам.
Генадзь Козел піша карціны і займаецца манументальным мастацтвам. Яго работы прадстаўлены ў прыватных калекцыях Беларусі, Расіі, ЗША, Вялікабрытаніі, Францыі і Германіі.
