Гэтымі выходнымі, 5 і 6 лістапада, завітайце ў арт-прастору «Мір» на Welcome Market.
Дата: 5 і 6 лістапада
Час: з 14.00 да 20.00 (час мясцовы)
Месца: арт-прастора «Мір», вул. Камсамольская, 25/5 (злева ад кінатэатра «Мір»), Брэст
Берасцейскія рамеснікі, мастакі, творцы ды чарадзеі крафту збяруцца на кірмаш, дзе можна прыдбаць прыгожага, смачнага, утульнага ды прыемнага на зіму ды восень.
Адзенне, сувеніры, кераміка, карысныя ды прыгожыя аксесуары, вытанчаныя ўпрыгожанні на любы густ, свечкі ды іншыя файныя штукі для дому — усё, чым можна зрабіць гэтую восень утульнейшай і прыемнейшай, чакае вас тут.
А таксама добрая музыка і спагадлівая атмасфера.
Прыходзьце сагравацца сэрцам! Уваход вольны!
