Інтэрактыўная экскурсія «Якога колеру зіма» для дзяцей 6–12 гадоў
Пачатак: 25.01 (11:00)Канец: 28.02 (18:00)
Нацыянальны мастацкі музей
Доўгачаканыя зімовыя святы ўжо зусім хутка, і Нацыянальны мастацкі музей будзе рады сустрэць іх з вамі! Інтэрактыўныя экскурсіі і праграмы для дзяцей створаць атмасферу цуду і дапамогуць пазнаць шмат новага пра нашы навагоднія і калядныя традыцыі.
Дата: з 1.12.2021 г. па 28.02.2022 г. для арганізаваных груп па папярэднім запісе (тэлефон: +375 25 667 78 19 (толькі званкі).
Месца: Нацыянальны мастацкі музей Рэспублікі Беларусь, вул. Леніна, 20, г. Мінск.
Кошт: 7 р.
Зімовы час для кожнага з нас складаецца з тысячы маляўнічых фрагментаў — хрумсткага снегу, паху ёлкі, весялосці навагодніх свят, чакання цуду. Інтэрактыўная экскурсія «Якога колеру зіма» пазнаёміць удзельнікаў з навагодняй палітрай, фарбамі і водарамі зімы на палотнах мастакоў. Яны акунуцца ў атмасферу чараўніцтва і казачнасці, узбагацяць свае веды, звязаныя з гісторыяй і традыцыямі ўсімі любімага навагодняга свята і Каляд.
