6 ліпеня 2016 года а 17-ай гадзіне ў Рэспубліканскай мастацкай галерэі Беларускага саюза мастакоў (Палац мастацтва, вул. Казлова, 3) адбудзецца адкрыццё юбілейнай выставы Мікалая Несцярэўскага, прымеркаванай да 85-годдзя мастака.
Мікалай Лаўрэнцьевіч Несцярэўскі нарадзіўся 31.03.1931 у вёсцы Бацюты Беластоцкага ваяводства (Польшча). Скончыў Беларускі тэатральна-мастацкі інстытут (1969). Вучыўся ў М. Бяляева, Т. Паражняка, В. Гаўрылава. З 1969 г. удзельнік мастацкіх выстаў. Сябра Беларускага саюза мастакоў з 1985 г.
Працуе ў галіне дэкаратыўна-прыкладного мастацтва (кераміка), а таксама станковага жывапісу. Асноўныя творы: дэкаратыўнае пано «Францыск Скарына», «Лявоніха»; скульптуры «Каваль», «Жняя», «На кірмаш», «Птушкалоў», «Спявачка»; сасуды «Барон», «Поры года», «Куманцы»; кампазіцыі «Юбілейная», «Дажынкі»; дэкаратыўныя пласты «Здароўе», «З народнага жыцця», «Народныя гульні».
Творы знаходзяцца ў Нацыянальным мастацкім музеі Рэспублікі Беларусь, фондах Беларускага саюза мастакоў, музеі беларускага народнага мастацтва ў Раўбічах, Гродзенскім дзяржаўным гісторыка-археалагічным музеі, Дзятлаўскім дзяржаўным гісторыка-краязнаўчым музеі.
Жыве і працуе ў Мінску.
Выстава будзе працаваць з 6 па 17 ліпеня 2016 года. Мы працуем: 11.00 – 19.00 штодзень, апрача панядзелка. Тэлефоны для даведак: (017) 288 15 49, (017) 290 60 10 – Палац мастацтва (017) 296 67 84 – Беларускі саюз мастакоў.
З інфармацыяй пра мінулыя, дзейныя і запланаваныя выставы можна азнаёміцца на сайце Беларускага саюза мастакоў www.belartunion.by
