У чацвер, 27 кастрычніка, у музеі Янкі Купалы найгарачэйшая і найцікавейшая лекцыя з усяго цыклу аповедаў пра лёс паэта: гэтым разам пагавораць пра жанчын у ягоным жыцці!
Дата: 27 кастрычніка
Час: 18.30 (час мясцовы)
Месца: літаратурны музей Янкі Купалы, вул. Янкі Купалы, 4, Мінск
У гэты вечар:
Паспрабуем уявіць, якой была Бянігна Іванаўна Луцэвіч — маці паэта;
Пагаворым пра спадарожніцу жыцця паэта, заснавальніцу музея Уладзіславу Луцэвіч;
Успомнім і пра загадкавую асобу, «каханку» Купалы — Паўліну Мядзёлку;
Узгадаем сясцёр і пляменніц дзядзькі Янкі;
Даведаемся, каму паэт прысвячаў свае творы. Вы ўбачыце прадметы гардэроба, аксэсуары і асабістыя рэчы гэтых цудоўных жанчын.
Лектарка — Карына Рагачэўская, старэйшая навуковая супрацоўніца музея.
Квіткі: дарослыя — 6 рублёў; студэнты — 4.50 рублі. І калі ласка, папярэдне запішыцеся па тэлефоне +375 29 316 04 08.
