17 лютага ў 17:00 у Нацыянальнай бібліятэцы адкрыецца выстава традыцыйнага беларускага мастацтва і рамёстваў «Жывыя крыніцы».
Дата: 17 лютага
Час: 17.00
Месца: пам. 104, Нацыянальная бібліятэка Беларусі, пр-т Незалежнасці, 116, Мінск
Выстава поўная шыкоўных экспанатаў:
— выцінанкі Людмілы Валковіч-Борыс і Лізаветы Чырвонцавай;
— вышыўка і ткацкія вырабы Марыны Гушчы і Ірыны Забаўскай;
— ганчарны посуд Васіля Логвіна і Мікалая Стрэльчанкі;
— саломапляценне Алёны Грынь і Алы Аўсяннікавай;
— міфалагічныя і фальклорныя лялькі аб’яднання «Папараць-кветка» і шмат чаго іншага!
У рамках выставы адбудуцца таксама майстар-класы. Калі вы хочаце навучыцца рабіць выцінанкі ці плесці з саломкі, то вось вам добрая нагода паспрабаваць.
