У салідарнай беларускай дапамозе маюць патрэбу людзі, праекты, арганізацыі, а таксама птушкі і звяры. Мы зрабілі падборку магчымасцяў праявіць салідарнасць і аказаць падтрымку тым, каму яна неабходная прама цяпер. Можна падтрымаць ахвяраваннем альбо інфармацыйна. А ў некаторых выпадках не менш важна стаць валанцёрам.
Вось што можна зрабіць тут і цяпер:
1. Падтрымаць пісьменніцу і грамадскую дзяячку Валярыну Куставу
Фонд Bysol абвясціў афіцыйны збор на дапамогу бацькам і дачцэ Валярыны Куставай.
У 2021-м супраць Валярыны распачалі крымінальныя справы за нібыта «фінансаванне і арганізацыю пратэстаў». Пісьменніца эвакуявалася ў Польшчу без грошай, з адным заплечнікам. Там яна працягвала працу па папулярызацыі беларушчыны, дапамагала палітзняволеным, шмат валанцёрыла.
Валярына адна гадуе дачку і ўтрымлівае пажылых бацькоў. Праз нейкі час пасля пераезду ў бацькі Валярыны дыягнаставалі рак. І гэта быў толькі пачатак выпрабаванняў, пра якія Валярына падрабязна распавядае:
«Лекары давалі яму толькі два месяцы, але ўжо больш за год я змагаюся за ягонае жыццё: складаная аперацыя, 12 цыклаў хіміятэрапіі, трамбоз, абследаванні ў чаканні наступнай аперацыі. Першыя месяцы я была суткамі з ім у шпіталі, пасля рабіла перавязкі, уколы, вазіла на працэдуры. Затым лекаванне спатрэбілася і дачцэ. Я вымушана стала бацькамі і для свайго дзіцяці, і для сваіх мамы з татам, — піша Валярына. — Вядома, медыцынская дапамога стала патрэбнай і мне: стома, стрэс, дэпрэсія і выгаранне істотна пагоршылі маё здароўе, давялося рабіць нават аперацыйныя ўмяшальніцтвы. А апошнія рэнтгены, аналізы і заключэнні лекараў сведчаць, што мне трэба тэрміновае лекаванне і рэабілітацыя (якой па дзяржаўнай страхоўцы [чакаць] некалькі гадоў). І хоць я працягваю працаваць, бо няма іншага выбару, усё апісанае не магло не завесьці мяне ў пазыкі. Менавіта праз іх я і звяртаюся да вас.
Валярына просіць рабіць ахвяраванні праз Bysol
Калі па прычынах бяспекі ці нейкіх іншых вы не можаце заданаціць на Bysol, то скарыстайцеся іншымі магчымасцямі падтрымаць Валярыну:
— Revalut: @valery0app
— Paysera альбо Blik: +48 515084712
— PayPal: valiaryna.kustava@gmail.com
Tytuł: wsparcie
На рэабілітацыю таты: Uladzimir Kustau
PL 84 1090 2590 0000 0001 4872 0243
Santander bank SWIFT/BIC-код: WBKPPLPPXXX
Tytuł: darowizna /wsparcie
На рэабілітацыю дачкі: Dzivija Kustava
PL 64 1090 2590 0000 0001 4854 2317
Santander bank SWIFT/BIC-код: WBKPPLPPXXX
Tytuł: wsparcie
Рэабілітацыя і лекі для Валярыны:
EUR: PL 29 1090 2590 0000 0001 4854 1880
USD: PL 77 1090 2590 0000 0001 48541889
SWIFT/BIC-код: WBKPPLPPXXX Santander Bank
Valeryja Kustava
Tytuł: darowizna альбо wsparcie
2. Дапамагчы правесці Беларускі фестываль дзяцінства і кнігі ў Варшаве
Сяржук Доўгушаў, фундацыя «Дом творцаў» і калектыў «Пугавіцы» 1 снежня 2024 года ладзяць ў Варшаве вялікі беларускі дзіцячы фэст.
У праграме фестывалю для дзяцей і бацькоў:
— роставыя лялькі, беларускія тэатральныя калектывы і лялечныя тэатры;
— тэатральна-музычная прэзентацыя «Дзіцячага спеўніка» Антона Грыневіча, казачныя гісторыі ў выкананні Маляваныча і іншае.
— майстар-класы, выставы карцін, перформансы, інсталяцыі, сувенірны кірмаш і іншае;
— смачная ежа і напоі, а таксама шмат сюрпрызаў, падарункаў, новых сяброў, фотазоны, выдатны настрой і модныя сэлфі!
3. Паспрыяць выданню папулярнага комікса «Trip mit Tropf» па-беларуску
Каманда «Кніжнага выраю» рыхтуе да выдання неверагодна смешны і добры комікс пра сяброўства, адвагу і прыгоды «Trip mit Tropf» (даслоўна «Падарожжа з кропельніцай») Джазэфін Марк у перакладзе на беларускую мову. Ужо цяпер можна заказаць сабе адзін ці некалькі асобнікаў або проста падтрымаць праект і атрымаць невялікія падарункі.
У коміксе распавядаецца гісторыя нараджэння сяброўства паміж суворым Ваўком і палахлівым маленькім Трусікам. Лёс зводзіць іх разам і штурхае ў падарожжа, поўнае прыгод і кур’ёзных падзей. Да таго ж Трусіку трэба прымаць лекі, бо... ён хворы на анкалогію.
Аўтарка далікатна і з гумарам праводзіць тэму хваробы праз комікс. «Trip mit Tropf» — гэта біяграфічны комікс, у якім аўтарка перапрацоўвае свой уласны досвед змагання з анкалагічным захворваннем.
4. Дапамагчы запісаць вядомыя беларускія хіты ў апрацоўцы Познаньскага спеўнага сходу
Poznański Śpieŭny Schod — хор беларусаў у Познані, якіх аб’ядноўвае любоў да музыкі і роднага краю.
«Кожны беларус ведае і любіць такія песні, як „Простыя словы“ Лявона Вольскага, „Грай“ Сяргея Міхалка... Мы спяваем іх на вяселлі, у час застолля, пры сустрэчы і развітанні. Мы чуем іх на канцэртах у выкананні саміх аўтараў, у інтэрпрэтацыях кавер-бэндаў, у версіях дуэтаў і квартэтаў, але яшчэ ніколі не гучалі гэтыя творы ў выкананні хору! Мы хочам падзяліцца з вамі вынікам нашай працы і рыхтуем да запісу альбом песень у харавой апрацоўцы», — пішуць аўтары праекта.
Бонусам стане выданне «Фінскай полькі», якая ўпершыню прагучыць па-беларуску.
Пасля выхаду альбом будзе дасяжны для ўсіх жадаючых на стрымінгавых платформах, такіх як Spotify, SoundCloud і інш.
5. Паўдзельнічаць у стварэнні аўдыяверсіі кнігі Максіма Знака «Зэкамерон»
«Зэкамерон. Вершы. Гутаркі» — гэта апошняе дапоўненае выданне кнігі Максіма Знака на беларускай мове (выдавецтва «Полацкія лабірынты»).
Тэксты гэтага зборніка ствараліся ў першы год утрымання Максіма Знака ў СІЗА, калі творчая дзейнасць за кратамі і перадача рукапісаў яшчэ былі магчымыя. Частка твораў у апошнім выданні была апублікаваная ўпершыню.
«Чытач/слухач гэтай кнігі можа стаць часткай гутарак з Максімам, наведаць яго ў камеры, дзе пад кубачак гарбаты пажартаваць пра сумнае ці паспрачацца пра высокае. Або проста прачытаць тэксты і праспяваць песні на словы Максіма, даючы ім голас, якога яны на сёння пазбаўленыя», — распавядаюць прадстаўнікі аўдыявыдавецтва audiobooks.by і Незалежнай тэатральнай групы «Купалаўцы».
Аўдыязапіс будзе выкладзены на ўсіх буйных платформах у бясплатным доступе.
6. Дапамагчы паказаць творы тузіна беларускіх мастачак і мастакоў у італьянскай Балонні
Аб’яднанне беларусаў Балонні арганізуе выставу «Мастацтва ў выгнанні». Яна пройдзе ў Балонні з 25 кастрычніка па 17 лістапада 2024 года. На выставе будуць прадстаўлены работы дванаццаці беларусаў і беларусак, мастакоў, якія апынуліся ў выгнанні за пратэст супраць рэжыму Лукашэнкі.
Арганізатары сутыкнуліся з шэрагам фінансавых праблем, у прыватнасці з транспарціроўкай твораў у Італію і назад.
Дапамагчы выставе:
Зрабіць ахвяраванне на сайце BuonaCausa.org.
PayPal: paypal.me/belarusbo
Current Account: IT10 C030 6909 6061 0000 0187 903
Addressed to: BelarusBo Aps
Bank: Intesa Sanpaolo
Transaction description: Art in Exile.
7. Далучыцца да стварэння рэзідэнцы «Старая Школа»
Праект стварэння культурна-навуковай рэзідэнцыі для дзеячаў навукі і культуры з Беларусі, Польшчы і іншых краін з мэтай супрацы на прынцыпах сінтэзу і міждысцыплінарнасці.
Асноўная ідэя рэзідэнцыі — гэта стварэнне прасторы для навуковых даследаванняў, развіцця культурніцкіх і сацыяльных праектаў, накіраваных на падтрымку людзей з абмежаванымі магчымасцямі, распрацоўкі праграмы рэабілітацыі для залежных і аказання дапамогі ўцекачам.
Аўтарка праекта, беларуска Аксана Гатальская, піша: «Cёння мы сутыкнуліся з сур’ёзным выклікам — нам трэба разабраць школу за вельмі кароткі тэрмін. Нам неабходная дапамога неабыякавых людзей. Мы заклікаем усіх, хто можа, далучыцца да нашага праекта. Мы будзем рады любой падтрымцы — фінансавай, валанцёрскай, інфармацыйнай. Кожны ваш унёсак, кожная хвіліна вашай дапамогі можа стаць вырашальнай для таго, каб мы паспелі выканаць умовы і захаваць школу для будучай рэзідэнцыі».
Школа знаходзіцца ў польскім населеным пункце Збучын.
Кантакты арганізатараў.
artinnovatestudio@gmail.com
hatalskaya19801@gmail.com
Сайт: http://old-school.pl/
8. Дапамагчы птушкам у прытулку «Ахова прыроды» пад Асіповічамі
Прытулак «Ахова прыроды» ратуе і лекуе птушак, што патрапілі ў бяду. Таксама па магчымасці аказвае дапамогу і іншым дзікім жывёлам, а часам сабакам і катам.
На дзейнасць прытулку можна пералічыць грошы, таксама арганізацыя не адмовіцца ад валанцёрскай дапамогі — будоўля вальераў, прыборка птушынага жытла і інш.
Прытулку таксама патрабуюцца будаўнічыя матэрыялы і ежа для птушак: «Нам практычна пастаянна патрэбныя мышы (буслам і совам — 1400 мышэй у месяц); дробная рыба; авёс, ячмень, кукуруза, камбікорм і інш.; сетка-рабіца, дошкі, печкі для зімоўкі буслоў, уцяпляльнікі і іншыя розныя будматэрыялы».
Падтрымаць прыватную ўстанову «Ахова прыроды» рознымі спосабамі.
Кантакты гаспадароў: +375 (29) 662 16 18 (Аляксандр), +375 (29) 668 47 31 (Жанна).
9. Падтрымаць жыхароў Мінскага заапарка
Заапарк пастаянна праводзіць дабрачынную акцыю «Заапарк шукае сяброў».
Акрамя таго, што можна падкарміць жыхароў заапарку лішкамі ўраджаю, калі такія ёсць у вас ці вашай гаспадарцы, вітаецца апека над жывёламі, у тым ліку рэдкімі. Заапарк абяцае прыемныя бонусы, калі станеце апекуном для ацэлотаў, мангустаў, янотаў, кайманаў і шматлікіх іншых жыхароў установы.
Падрабязнасці па пошце prosvet@minskzoo.by альбо па тэлефоне +375 (44) 765-29-52.
10. Падтрымаць цэнтр дапамогі дзікім жывёлам «Сірын»
Цэнтр «Сірын» — унікальная для Беларусі арганізацыя, дзе ратуюць дзікіх птушак і звяроў. Каманда цэнтра адбірае траўмаваных і аслабленых жывёл з дзікай прыроды, аказвае першую неабходную дапамогу, лечыць, рэабілітуе і вяртае ў прыроду. Некаторыя жывёлы застаюцца жыць у цэнтры, калі з-за сур'ёзнасці траўм не могуць вярнуцца ў натуральнае асяроддзе.
Цэнтр месціцца ў вёсцы Ласі Маладзечненскага раёну, каардынаты: 54.206870,27.101577.
Зараз «Сірын» рэалізуе праект «Ваўчыны дом». Драпежнікам патрэбныя вялікія вальеры, якія дапамогуць камфортна рэабілітаваць звяроў і падрыхтаваць іх да вяртання ў дзікую прыроду.
Р.С., Budzma.org
