40 дзён прайшло, як адышоў у лепшы свет Янка Запруднік, патрыярх беларускай дыяспары, доктар гісторыі, палітолаг, літаратар і публіцыст, сябра Рады «Бацькаўшчыны» ад I З’езду беларусаў свету (1993).
Родныя Янкі Запрудніка перадаюць падзяку ўсім, хто выказаў спачуванні з нагоды яго смерці: Шчыра дзякуем УСІМ, хто выказаў спачуваньне з нагоды сьмерці Янкі Запрудніка (Сяргея Вільчыцкага) — вусна, пісьмова або праз сродкі масавай інфармацыі, хто прынес кветкі на яго магілу. Адмысловая падзяка тым, хто заміж кветак ахвяраваў грошы на царкву сьв. Еўфрасіньні Полацкай або на дапамогу дзецям Беларусі, каб падтрымаць і працягнуць беларускую справу, якой Янка Запруднік аддаў усё жыцьцё.
Надзея Запруднік (Кудасава), удава; Ніна й Вера (дочкі).
Чытайце яшчэ: Уладзімір Някляеў пра Янку Запрудніка: «Ягоным сэрцам была Беларусь»
Пачытайце гутарку з Янкам запруднікам, запісаную ў 2019 годзе: Янка Запруднік: «Гарантам незалежнасці павінен быць кожны грамадзянін»
