У сераду, 17 верасня, ArtPower Belarus распачынае серыю анлайн-варкшопаў, якія дапамогуць беларускім творцам і менеджарам зрабіць свае праекты мацнейшымі, больш устойлівымі і бачнымі.

На працягу двух месяцаў раз на два тыдні будуць глыбока паглыбляцца ў ключавыя тэмы:

• Альтэрнатыўнае фінансаванне: краўдфандынг і іншыя магчымасці;

• Як зразумець, які праект патрэбны тваей аўдыторыі;

• Чаму калабарацыі ўзмацняюць праект;

• Гаварыць так, каб пачулі: камунікацыйная стратэгія для культурніцкіх праекта;

• Як будаваць супольнасці вакол сваёй ініцыятывы.

На першай сустрэчы разбяруць, як шукаць фінансаванне для праектаў і не залежаць толькі ад грантаў.

Вы даведаецеся:

• што такое краўдфандынг і чаму ён можа стаць устойлівай крыніцай падтрымкі;

• якія бенефіты дае краўдкампанія праекту акрамя грошай;

• агляд самых папулярных платформаў для збору сродкаў і іх спецыфіка;

• практычныя прыклады і парады, як паспяхова стартаваць сваю кампанію.

Спікерка — Аліна Лісаковіч, экспертка з досведам працы ў сферы фінансавання і краўдфандынгу.

Фармат — Zoom-вебінар (удзельнікаў не відаць, пытанні можна задаваць пісьмова).

Далучыцца змогуць толькі зарэгістраваныя і верыфікаваныя ўдзельнікі.

Удзел вольны.

Зарэгістравацца можна па спасылцы да 10.00 серады, 17 верасня.

Дзе і калі?

Дата і час: 17 верасня ў 16.30 (час варшаўскі, гэта 17.30 па Вільні і Мінску)

Месца: зум