5 снежня 2016 года пайшоў у лепшы свет вядомы беларускі педагог, грамадскі дзеяч, музеязнаўца, краязнаўца Алесь Белакоз.
Алесь Белакоз нарадзіўся 11 лістапада 1928 года, жыў і працаваў у вёсцы Гудзевічы на Гродзеншчыне. Напрыканцы 1940-х гадоў разам з сябрамі быў абураны адсутнасцю адукацыі на беларускай мове, з гэтай прычыны пачаў рабіць і распаўсюджваць антысавецкія ўлёткі, з-за чаго пацярпелі невінаватыя людзі. Пасля гэтага вырашыў змагацца іначай – наданнем ведаў дзецям. З 1958 г. выкладае беларускую мову і літаратуру ў школе вёскі Гудзевічы.
У 1965 г. наладзіў перапіску сваіх вучняў з вядомымі беларускімі літаратарамі, пазней пачаў выдаваць краязнаўчы часопіс «Праменьчык», усяго выйшла 14 нумароў альманаха. Стварыў пры школе краязнаўчы музей. У 1990 годзе музею Белакоза надалі статус дзяржаўнага літаратурна-этнаграфічнага, у ім каля 12 тысяч экспанатаў. Яго вучні захапіліся літаратурнай і даследніцкай дзейнасцю, іх працы пачалі друкавацца ў беларускіх газетах і часопісах. Белакоз распрацаваў спецыяльную методыку далучэння вучняў да літаратурна-краязнаўчага пошуку і музейнай справы, такім чынам настаўнік выклікаў цікавасць да беларускай гісторыі і культуры.
За сваю актыўную педагагічную дзейнасць у нацыянальным кірунку не раз падвяргаўся ціску з боку мясцовага савецкага чынавенства і КДБ. Памёр 1 снежня 2016 г. Пахаваны ў вёсцы Гудзевічы на мясцовых могілках.
АМ, budzma.org
