Зрабілі падборку бліжэйшых анлайн-курсаў і рэзідэнцый для актыўных і творчых людзей з Беларусі і не толькі.

Чаму экаактывісткам важна быць феміністкамі (анлайн-курс)

23 траўня — 20 чэрвеня (5 заняткаў па аўторках)

Курс дапаможа разабрацца ў тым, як звязаны фемінізм і экаактывізм, чаму ў экалогіі так шмат жанчын і чаму экалагічная светлая будучыня немагчыма без гендэрнай роўнасці. У працэсе навучання вы таксама даведаецеся аб лакальных і міжнародных экафеміністкіх ініцыятывах і нават, магчыма, прыдумаеце сваю ўласную.

Дэдлайн падачы анкет — 20 траўня.

Заняткі будуць адбывацца па аўторках з 19:00 да 20:30 па Мінску і Вільні, 18:00-19:30 па Варшаве, 20:00-21:30 па Тбілісі

Больш падрабязна пра курс тут.

Гендэрнае ў экалагічным and vice versa (анлайн-курс)

25 мая — 22 чэрвеня (5 заняткаў па чацвяргах)

На курсе вы даведаецеся, якім чынам людзі розных гендэраў узаемадзейнічаюць з навакольным асяроддзем, калі працуюць, выхоўваюць дзяцей і спажываюць, а таксама вывучыце экалагічныя рызыкі для розных сацыяльных і гендэрных груп і экалагічныя патэрны паводзін мужчын і жанчын у розных краінах свету.

Заняткі будуць адбывацца па чацвяргах а 19:00-20:20 па Мінску і Вільні, 18:00-19:20 па Варшаве, 20:00-21:20 па Тбілісі.

Дэдлайн падачы анкет — 23 траўня.

Больш падрабязна пра курс тут.

Запоўніць анкету можна тут.

Літаратурныя рэзідэнцыі ў Варшаве

Для каго: для пісьменнікаў/ пісьменніц, драматургаў/ драматургінь і перакладчыкаў/ перакладчыц з Беларусі і Украіны

Калі: час побыту: ліпень-снежань 2023 г.

Абвяшчэнне вынікаў: 9 чэрвеня 2023 г.

Старамесцкі дом культуры запускае яшчэ новы раунд рэзідэнцый, каб выбраць як мінімум пяць рэзідэнтаў для пражывання ад 2 да 6 тыдняў. Сёлета запрашаюць гасцей з Беларусі правесці некалькі творчых тыдняў у цэнтры Варшавы, пад гасцінным дахам Старамесцкага Дома культуры. Арганізатары будуць імкнуцца ўключыць абраных рэзідэнтаў і рэзідэнтак у варшаўскі літаратурны свет і запрашаюць правесці некалькі тыдняў у Варшаве, пазнаёміцца з мясцовай мастацкай сцэнай, гісторыяй горада і культурнай панарамай сталіцы. 

Арганізатары прадастаўляюць рэзідэнтам кватэру ў цэнтры з утульным месцам для творчай працы, стыпендыю ў памеры 120 злотых брута за дзень, мастацкую, лагістычную і матэрыяльна-тэхнічную падтрымку, а таксама ўдзел у дзейнасці ўстановы.

Набор прызначаны для пісьменнікаў/ пісьменніц, драматургаў/ драматургінь і перакладчыкаў/ перакладчыц з Беларусі і Украіны якія адпавядаюць наступным крытэрам:

• у іх ёсць хаця б адна выдадзеная ўласная кніга альбо пераклад, або хаця б адзін драматычны тэкст, пастаўлены ў тэатры,

• яны могуць стасавацца на англійскай ці польскай мовах,

• у гэты момант працуюць над літаратурным праектам.

Падрабязнасці, тэрмін і час побыту ўзгадняюцца з рэзідэнтамі індывідуальна.

Апошні тэрмін падачы заявак: 26 траўня 2023 г.

Як падаць заяўку?

Заяўка мае змяшчаць:

• запоўненую форму,

• CV са спісам апублікаваных літаратурных твораў, або спіс тэкстаў, пастаўленых у тэатры,

• суправаджальны ліст з апісаннем канцэпцыі творчай працы на час побыту (не болей за 5000 знакаў з прабеламі),

• фрагмент апублікаванай/ пастаўленай працы (максімум 10 старонак А4).

Падаць заяўку ў акрэслены тэрмін можна па адрасе: rezydencje@sdk.pl

Спампаваць форму заяўкі, больш падрабязна азнаёміцца з правіламі праграмы можна тут.

Больш інфармацыі пра літаратурныя рэзідэнцыі ў Польшчы можна знайсці на сайце праекта.

In situ — творчая міждысцыплінарная рэзідэнцыя ў Парыжы

Для каго: мастакі, літаратары, перформеры, даследчыкі, дызайнеры і інш. творцы, якія жывуць ў Еўропе.

Калі: 2 месяцы — 1 год у 2023 — 2024.

Запрашаюць у Cité internationale des arts, каб сфакусіравацца на індывідуальным і калектыўным падыходзе да экалагічных умоў існавання. IN SITU задумана як інклюзіўная прастора, адкрытая для дэбатаў, абмену ідэямі і перадачы ведаў. Праз серыю штомесячных сустрэч/лекцый з запрошанымі гасцямі і наведвання аб’ектаў, будзе абмяркоўвацца сітуацыя цяперашняга экалагічнага і кліматычнага крызісу.

Прапануюць:

— пражыванне
— стыпендыю 1000 EUR
— грант на вытворчасць і прафесійныя падарожжы 2000 EUR
— праезд да 600 EUR.
— прафесійную падтрымку.

Дэдлайн: 9 чэрвеня.

Падаць заяўку можна тут.

The sustainable institution — міждысцыплінарныя творчая рэзідэнцыя, прысвечаная ўстойліваму развіццю

Для каго: творцы з міждысцыплінарным падыходам, даследчыкі, архітэктары і г. д.

Калі: 6 месяцаў у 2023-2024.

The sustainable institution — серыя міжнародных сімпозіумаў і міждысцыплінарная рэзідэнцыя. Праграма накіравана на ўкараненне эканамічных і экалагічных зменаў у культурным ландшафце. Запрашаюць творцаў даследаваць, як можна змагацца са змяненнем клімату і зменшыць экалагічную нагрузку, звязаную са стварэннем выставак.

Арганізатары прапануюць:

— вытворчы грант 20000 EUR
— куратарства.

Дэдлайн: 2 чэрвеня.

Падаць заяўку можна тут.

Больш інфармацыі пра курсы, стыпендыі, рэзідэнцыі і інш тут.