На 9 год калоніі асудзілі музыку Яўгена Глушкова за фота з вайсковага аэрадрому, паведамляюць праваабаронцы.
Гомельскі абласны суд у закрытым рэжыме вынес прысуд жыхару вёскі Зябраўка Гомельскага раёна Яўгену Глушкову, абвінавачанаму ў здрадзе дзяржаве (ч.1 арт. 356) і садзейнічанню экстрэмісцкай дзейнасці (ч.1 арт. 361-4 Крымінальнага кодэкса).
Нагадаем, па інфармацыі некаторых СМІ, у ноч з 10 на 11 жніўня на аэрадроме ў Зябраўцы здарыўся інцыдэнт — пасля яго пачаліся праверкі мясцовых. У Яўгена ў тэлефоне знайшлі кантакты розных украінцаў і стары здымак аэрадрому, які ён рабіў з дрону. Гэтага было дастаткова, каб затрымаць хлопца.