Цэнтр новых ідэй пачынае прыём заявак на Vitali Silitski Fellowship — двухмесячную стыпендыяльную праграму для беларускіх даследчыкаў і даследчыц, якія хочуць рэалізаваць уласны аналітычны праект і працаваць з ідэямі, што працягваюць і развіваюць інтэлектуальную спадчыну выбітнага беларускага палітолага Віталя Сіліцкага. Даследчыя тэмы могуць ахопліваць шырокі спектр грамадска-палітычных пытанняў, якія вызначаюць будучыню Беларусі.
Vitali Silitski Fellowship аб’ядноўвае адукацыю, даследчую дзейнасць і досвед працы ў камандзе аналітычнага цэнтра, каб умацаваць патэнцыял новага пакалення экспертак і экспертаў, якія працуюць з палітычнымі, сацыяльнымі і эканамічнымі дадзенымі пра Беларусь.
Што ў праграме?
У межах fellowship спачатку пройдзе анлайн Future Ideas School: лекцыі і дыскусіі з міжнароднымі экспертамі і экспертак з еўрапейскіх універсітэтаў і аналітычных цэнтраў. Сярод спікераў і спікерак: Джэймс Ніксі, Майкл Макфол, Хілары Брыфа і эксперты і эксперткі Цэнтра новых ідэй.
Затым у афлайн-фармаце удзельнікі і ўдзельніцы з ментарскай падтрымкай дапрацуюць свае ідэі і прэзентуюць іх на фінальным пітчынгу перад журы. Менавіта пасля пітчынгу будуць абраныя да пяці пераможцаў, якія атрымаюць стыпендыю да 2000 еўра (брута) і стажыроўку ў ЦНІ.
Як падаць заяўку на ўдзел?
Для ўдзелу ў Vitali Silitski Fellowship неабходна падаць кароткі пітч даследчай ідэі з апісаннем ключавых пытанняў і метадаў даследавання. Пры гэтым прапанаваная тэма павінна быць развіццём або лагічным працягам работ Віталя Сіліцкага. Да заяўкі таксама трэба далучыць CV на англійскай мове, спіс найважнейшых публікацый і матывацыйны ліст.
Калі вам хочацца ўзяць удзел менавіта ў адукацыйнай частцы fellowship — Future Ideas School — падавайцеся. Арганізатары і арганізатаркі прымуць усе годныя заяўкі.
Дэдлайн падачы заяўкі: 10 сакавіка 2026, 23:59 па Мінску. Зрабіць гэта можна тут.
Падрабязную праграму і іншыя дэталі ўдзелу ў fellowship вы знойдзеце на сайце.
Стыпендыяльная праграма праводзіцца ў межах праекту, які фінансуецца Еўрапейскім саюзам.
