3 верасня, у суботу, пройдзе адкрытая дыктоўка па беларускай мове «Агульная дыктоўка». За кожнага ўдзельніка арганізатар мерапрыемства — ААТ «Лідскае піва» — пералічыць грошы на набыццё новага экспаната для Лідскага замка. Для ўдзелу няма ніякіх абмежаванняў ні па ўзросту, ні па ўзроўню валодання мовай, ні па геаграфіі (дыктоўку можна напісаць у рэжыме анлайн з любой кропкі свету).

Для дыктоўкі арганізатары выбралі тэкст сярэдняй складанасці, каб паказаць адначасова і багацце нашай мовы, і яе меладычную прыгажосць.

«Агульная дыктоўка» пройдзе ў Беларусі ў чацвёрты раз, у 2020 годзе напісаць тэкст на роднай мове вырашылі больш за 3 тысячы чалавек.

Для таго, каб ўзяць у дзел у дыктоўцы-2022 і тым самым выказваць любоў да роднай мовы, трэба зарэгістравацца на сайце і адзначыць, як плануеце пісаць: анлайн ці ў Lidbeer Dvor.

Адправіць сваю працу на праверку можна праз асабісты кабінет на сайце, зрабіць гэта трэба 3 верасня да 19:00. Выстаўляць адзнакі будуць прафесійныя філолагі, свае вынікі з каментарыямі адмыслоўцаў можна будзе ўбачыць праз 3–4 дні таксама ў асабістым кабінеце.

Выдатнікі, якія напішуць дыктоўку на 8, 9 ці 10 балаў, атрымаюць запрашальныя білеты ў Музей лідскага бровара.

Чытайце яшчэ:

У Лідзе адкрылі музей гісторыі мясцовага піваварэння. Што там можна пабачыць