Беларусак, якія зараз жывуць у Польшчы і хочуць распачаць сваю справу альбо рэалізаваць свой адукацыйны, культурніцкі, экалагічны ці іншы праект, запрашаюць да ўдзелу ў Акселератары, які дапаможа ўвасабіць у жыццё самыя смелыя задумы.
Што такое ByWomen Акселератар?
Гэта праграма, скіраваная на развіццё патэнцыялу і пашырэнне магчымасцей беларускіх жанчын і дзяўчат, якія былі вымушаны пакінуць Беларусь.
На Акселератар (28 лістапада — 1 снежня 2024 г., афлайн, папярэдне ў ваколіцах Варшавы) будуць запрошаныя самыя матываваныя жанчыны з цікавымі ідэямі камерцыйных альбо грамадскіх праектаў.
На працягу 4 дзён з дапамогай дасведчаных экспертак удзельніцы Акселератара змогуць ўдасканаліць сваю ідэю, спланаваць крокі па яе рэалізацыі, разлічыць свае сілы, патрэніравацца ў прэзентацыі сваіх праектаў і ідэй.
На працягу 3 месяцаў пасля Акселератара будзе магчымасць таксама скарыстацца ментарскай падтрымкай з боку дасведчаных экспертак (анлайн).
Каго запрашаюць?
Найперш тых, хто вымушана пакінулі Беларусь і спрабуюць распачаць уласную справу альбо грамадскія праекты ў Польшчы.
Абяцаюць падтрымаць ініцыятывы матываваных жанчын любога ўзросту, якія не склалі рукі і гатовыя змяняць сваё жыццё і свет навокал да лепшага.
Што прапануюць?
Часам для рэалізацыі ідэі не хапае адной важнай рэчы — падтрымкі. Менавіта гэта і прапануюць!
У час працы Акселератара і пасля яго з дапамогай дасведчаных экспертак і іншых удзельніц будзе магчымасць:
• лепш зразумець свае мэты і жаданні
• спланаваць, як іх можна дасягнуць
• пралічыць, якія выдаткі спатрэбяцца
• зрабіць свой праект больш прываблівым і медыйным
• знайсці ў сабе суперсілу і кропкі росту
• паклапаціцца пра ўласнае псіхалагічнае здароўе.
Як заявіцца на ўдзел у ByWomen Акселератары?
Запоўніць да 8 лістапада форму заяўкі. Кандыдаткі, якія пройдуць першасны адбор пасля разгляду заявак, будуць праінфармаваныя да 15 лістапада.
Падрабязней пра Акселератар чытайце па спасылцы.
