Пра гэта паведаміў на сваёй старонцы ў Фэйсбук Зміцер Геранін.

«Мой першы пост на беларускай мове. 

А ўсё таму, што на av.by файнейшае абнаўленне: мы сталі падтрымліваць беларускую мову на iOS- і Android-платформах. Тут гаворка не пра карыстальніцкі кантэнт: падаваць аб’явы па-беларуску можна ўжо шмат гадоў, я зараз кажу пра чыста інтэрфейсныя рэчы.

У «Андроідзе» гэта працуе па змаўчанні, калі беларуская мова ўсталявана як сістэмная (ужо праз тыдзень, пакуль уручную), а ў iOS (паколькі Apple ніяк не хоча афіцыйна дадаваць падтрымку) мы зрабілі пераключальнік у наладах самога дадатку. Заходзьце, змяняйце на беларускую мову — і наперад.

Што перакладзена: усе пункты меню, усе элементы кіравання, падказкі, кастамныя элементы дызайну (напрыклад, на галоўнай старонцы), форма падачы, унутраныя сэрвісы («av.by фінансы», ацэнка кошту аўто, чэк-лісты праверкі аўто, захаваныя пошукі). 

Што не перакладзена: карыстальніцкі кантэнт (аб’явы), рэдакцыйны кантэнт (артыкулы, навіны, «Веды»), сістэмныя паведамленні пра памылкі, каталог марак і мадэлей. <...> 

Вэб таксама загаворыць па-беларуску, але пазней <...>».