Увечары 5 красавіка ва ўтульнай «Кніжнай шафе» пісьменнік Міхаіл Валодзін пагутарыў са сваімі прыхільнікамі пра жыццё, творчасць і працяг нашумелай кнігі.
Аўтограф-сесію зладзілі грамадская культурніцкая кампанія “Будзьма беларусамі!” і ГА “Саюз беларускіх пісьменнікаў”.
Як распавяла дырэктарка прасторы “Кніжная шафа” Настасся Дудкова, кніга “Наш стары добры Вавілон. Прагулка па горадзе ў Мінскіх гісторыйках” у перакладзе на беларускую мову выклікала наздвычайную цікавасць з боку чытачоў. У краме даступныя руска-английская і беларуска-нямецкая версіі гэтага выдання, якое ў іншых крамах на дадзены момант ужо складана знайсці.
Аднак прыхільнікам рана сумаваць: спадар Міхаіл расказаў, што ў ягоным творчым запасе яшчэ вельмі шмат цікавых гісторыек, і плануецца выпуск яшчэ чатырох кніг. Аповед будзе тапаграфічна, міфалагічна і гістарычна рухацца ад Круглай Плошчы ў бок Маскоўскіх могілак, асобнае выданне будзе прысвечана Плошчы Свабоды. Працяг будзе!
Віка Трэнас, для lit-bel.org
Нагадваем, што кожныя два тыдні Міхаіл Валодзін ладзіць падарожжы па “нашым Вавілоне”, працягваючы распавядаць свае “Мінскія гісторыйкі”.