Стужка прысвечана 140-годдзю з дня нараджэння Янкі Купалы і Якуба Коласа, паведамляецца на сайце нацыянальнай кінастудыі. Па сюжэце класікі беларускай літаратуры прымаюць удзел у незвычайнай шахматнай партыі: падчас кожнага хода яны чытаюць урыўкі са сваіх твораў.
Фотаздымак з афіцыйнай старонкі кінастудыі «Беларусьфільм» у Фэйсбуку
Аўтар сцэнарыя — кінарэжысёр вышэйшай катэгорыі Наталля Касцючэнка, вядомая сваімі працамі не толькі беларускаму гледачу. Фільм выконваецца ў тэхніцы камп'ютарнай перакладкі.
Аснова мультфільма — сеанс гульні паэтаў у шахматы. Гэта незвычайнае спаборніцтва: кожны ход суправаджаецца чытаннем пісьменнікамі ўрыўкаў са сваіх твораў. У ходзе гульні дзеці становяцца актыўнымі ўдзельнікамі магічных пераўтварэнняў і цудаў, што адбываюцца вакол шахматнага століка. А ў фінале адзін з хлопчыкаў атрымлівае ад творцаў падарунак — кнігу — як сімвал перадачы каштоўнай спадчыны новаму пакаленню.
Стужку абяцаюць прэзентаваць гледачу сёлета.
